نەخۆشخانەی گشتیی شەهیدان لە پێنجوێن رایدەگەیەنێت، لە سنووری ناحیەی گەرمكی قەزای پێنجوێن رووداوێكی هاتوچۆ لە نێوان ماتۆرسكیلێك و ئۆتۆمبێلێكی جۆری نیسان روویدا و كەسێك گیانیلەدەستدا و كەسێكی دیكەش بریندار بوو.
بەپێی راگەیەندراوێكی نەخۆشخانەی گشتیی شەهیدان لە پێنجوێن كە وێنەیەكی دەست تۆڕی میدیایی ئێستا كەوتووە و تێیدا هاتووە، لە نزیك گوندی قەلەندراوا لە ناحیەی گەرمكی قەزای پێنجوێن، رووداوێكی هاتوچۆ لە نێوان ماتۆرسكیلێك و ئۆتۆمبێلێكی جۆری نیسان روویدا و كەسێك گیانیلەدەستدا و كەسێكی دیكەش برینداربوو.
لە راگەیەندراوەكەدا هاتووە، هەردوو سەرنشینی ماتۆرسكیلەكە عەرەب بوون و تەرمەكە لەلایەن بنكەی پۆلیسی گەرمك بە هاوكاریی پۆلیسی پێنجوێن، گوازراوەتەوە بۆ نەخۆشخانەی گشتیی شەهیدان پێنجوێن.
