یەکێتیی هاوردە و ناردنکارانی هەرێمی کوردستان بڵاویکردەوە، پاش چەند ڕۆژێک لە گرژی لەنێوان ئێران و ئەمریکا و ئیسرائیل، دەروازەکانی ئێران بە ڕووی هەرێمی کوردستاندا داخران، بێجگە لە دەروازەی باشماخ بەکراوەی مایەوە، ئەوانە پێشووتر داخرابوون ئێستا دەکرێنەوە .
ئاماژەی بەوەشکرد، ڕۆژی 8ی ئازاری 2026، دەروازەی شوشمێ لە تەوێڵە کرایەوە، ئێوارەی 9ی ئازاری 2026 دەروازەی سەیران بەن کرایەوە.
ئەوەشی خستەڕوو، لە ئێستادا، لە دەروازەی باشماخ ڕۆژانە 500 بارهەڵگر دێتە ناو هەرێمی کوردستانەوە و ڕێژەکەش ڕۆژانە لە زیادبووندایە، بەشی زۆری بارەکانیش خواردەمەنین.
