نووسینگەی حەج و عومرەی سلێمانی رایدەگەیەنێت، لە کاتی گەڕانەوەیان لە مەدینەوە بەرەو عێراق، پاسێکی عومرەکارانی کورد دووچاری رووداوی هاتوچۆ بوو.
نووسینگەی حەج و عومرەی سلێمانی بڵاویکردەوە، پاسێکی عومرەکارانی کورد، دووچاری رووداوی هاتوچۆ بوو، بەڵام رووداوەکە هیچ زیانێکی گیانیی بەدواوە نەبووە.
ئاماژەی بەوەشکرد، پاسەکە عومرەکارانی شاری هەولێری تێدابووە، ئێستا عومرەکاران بە پاسێکی دیکە گەڕێندراونەتەوە بەرەو عێراق.
ئەوەشی خستەڕوو، رووداوەکە لە پاش بەجێهێشتنی شاری مەدینە بووە بەرەو عێراق.
