رۆژی چوارشەممە، 25ـی2ـی 2026، مەکتەبی سکرتارییەتی سەرۆک مام جەلال لە پارێزگای هەڵەبجە لە دوو سەردانیی جیادا هەریەک لە هەڤاڵان (عومەر حاجی عوسمان و کاکە برا عومەر ئەکرەم) پێشمەرگە و تێکۆشەرانی دێرینی یەکێتی-یان بەسەرکردەوە.
لەو سەردانانەدا، مەکتەبی سکرتارییەتی سەرۆک مام جەلال لە نزیکەوە لە تەندروستیی هەڤاڵانیان پرسییەوە و هیوای سەلامەتیی زیاتر و تەندروستییەکی باشییان بۆ خواستن.
مەکتەبی سکرتارییەت پێزانینیان دەربڕی بۆ خەبات و تێکۆشانی هەڤاڵانی کوردپەوەری هەڵەبجە و شارەزورییەکان کە هەڤاڵ عومەری حاجی عوسمان وەک پێشمەرگەیەکی ئازاو بەهەڵوێستی بنەماڵەی شەهید ئەنوەری حاجی عوسمان کە هەر لە سەرەتاوە وەک خانەوادەیەکی دیار و شۆڕشگێڕی ئەو دەڤەرە هاتنە مەیدانی کوردایەتی و لە خەبات و تێکۆشاندا ریزی پێشەوەی مەترسییەکانیان دەگرتەوە.
هاوکات، مەکتەبی سکرتاییەتی سەرۆک مام جەلال ستایشی رۆڵی هەڤاڵ کاکەبرا عومەریانکرد وەک پێشمەرگەیەکی دڵسۆز و دانەبڕاوی شۆڕشی نوێ کە هەر لە تافی گەنجێتییەوە چەکی شەرف و کوردایەتی لە شان ناوە؛ لەبەرامبەر ئەو رابردووەشدا مەکتەبی سکرتارییەتی سەرۆک مام جەلال سڵاوی یەکێتییانەی سەرۆک بافڵ جەلال تاڵەبانی و هەڤاڵ قوباد تاڵەبانیـیان ئاڕاستەکردن و رێزیان لە رابردووی پاک و پڕ سەروەرییان نرا.
لە بەرامبەردا، هەڤاڵان عومەر حاجی عوسمان و کاکەبرا عومەر سوپاسی سەردانییەکەیان کرد و روونیان کردەوە بۆ دۆزی گەلەکەمان روویان کردە شاخ و چەکی شەرەف و پێشمەرگایەتییان لە شان نا تاوەکو ئازاد و سەربەست بن.
