وەزارەتی ناوخۆ رایگەیاند، بڕیاری لێخۆشبوون لە سزای سەرپێچییەکانی هاتوچۆ، بە رێژەی 20% درێژکرایەوە.
وەزارەتی ناوخۆی حکومەتی هەرێمی کوردستان رایگەیاند، لە کۆبوونەوەی ئەمڕۆی ئەنجومەنی وەزیراندا، لەسەر پێشنیازی وەزارەتی ناوخۆ، بڕیاردرا بە درێژکردنەوەی ماوەی لێخۆشبوون لە سزای سەرپێچییەکانی هاتوچۆ بە رێژەی 20% و بڕیارەکەش تاوەکو 30ـی 6ـی 2026، کاری پێدەکرێت.
ئاماژەی بەوەشکرد، لە ساڵی 2024، بڕیاری لێخۆشبوون لە سزاکانی هاتوچۆ بە رێژەی 20% دراو چەندجارێکیش بڕیارەکە له بەرژەوەندیی هاوڵاتییان درێژکراوەتەوە.
