بڕیارە ئەم هەفتەیە، وەفدێکی باڵای دیوانى چاودێریى دارایی هەرێمى کوردستان سەردانى بەغداد دەکات.
بەگوێرەی زانیارییەکان، بڕیارە ئەم هەفتەیە وەفدێکی باڵای دیوانی چاودێریی دارایی هەرێمی کوردستان سەردانی بەغداد بکات، ئەندامانى وەفدەکە پێکدێن لە چەند بەڕێوەبەرێکى گشتیى دیوانى چاودێرى دارایی هەرێمى کوردستان، سەردانەکەیان بۆ پێداچوونەوەیە بە داهات و خەرجى هەرێمى کوردستان لەماوەى سێ ساڵى رابردوو.
ئەوەش خراوەتەڕوو، بڕیارە وەفدەکە، گفتوگۆ لەسەر پشکى راستەقینەى هەرێمى کوردستان بکات بەگوێرەى خشتەکانى بودجە، هەروەها خشتەکان بەراورد بکرێت بەو بڕەى کە بۆ هەرێمى کوردستان خەرجکراوە.
