لە چەند رۆژی رابردوودا، دەنگۆی ئەوە بڵاوببووەوە کە لە سلێمانی، نەوتەکەی بەغداد بەشی هەموو مەڵبەندەکان ناکات، بۆ ئەم مەبەستە تۆڕی میدیایی ئێستا بەدواداچوونی کرد.
سەلام عومەر، وتەبێژی نەوت و کانزاکانی سلێمانی بە تۆڕی میدیایی ئێستای راگەیاند، دابەشکردنی نەوت لە ناو شاری سلێمانی بەردەوامە، لە ماوەی رابردوودا خاوبوونەوەیەک هەبوو، هۆکارەکەشی تەقینەوەیەک بوو لە کێڵگەی بێجی.
وتیشی، 750 هەزار بۆ ملیۆنێک لیتر نەوتمان پێویستە بۆ ئەوەی بیکەین بە وەجبەیەک و دابەشی بکەین، کۆکردنەوەی ئەمەش چوار بۆ شەش رۆژی پێویستە.
ئاماژەی بەوەشکرد، نەوت لە بەشێکی زۆری مەڵبەندەکانی یەک و دوو دابەشکراوە، تاوەکو ئێستاش دابەشکردنی نەوت لە مەڵبەندەکانی سێ و چوار بەردەوامە و رۆژی شەممە، وەجبەیەکی دیکەش دابەشدەکەین.
