پۆلیسی راپەڕین دەستگیرکردنی تۆمەتبارێکی راگەیاند، کەدوای ئەوەی باوکی کوشتبوو بۆ شوێنێکی نادیار هەڵاتبوو.
بەڕێوەبەرایەتیی پۆلیسی راپەڕین بڵاویکردەوە، شەوی رابردوو هێزەکانمان لە بنکەی پۆلیسی ژاراوە تۆمەتبارێکیان بە ناوی (ک. ک. ک ) لە رەگەزی نێر دانیشتووی گوندی شێخ وەسان سەر بە ناحیەی بالیسان دەستگیرکرد کە تۆمەتبارە بە کوشتنی باوکی و فەرمانی دەستگیرکردنی هەبوو لە بنکەی پۆلیسی ناحیەی بالیسان.
ئاشکراشیکرد، تۆمەتباری ناوبراو لە بەرواری 21 ی تەمموز دوای ئەوەی لەگەڵ باوکی کێشە و دەمەقاڵێ روودەدات لە نێوانیان باوکی دەکوژێت و بۆ شوێنێکی نادیار هەڵدێت.
لە ئێستادا تۆمەرتبارەکە بەپێی ماددەی 406 لە یاسای سزادانی عێراقی راگیراوە و لێکۆڵینەوەکان لە رووداوەکە بەردەوامن.
