لە کەلار ئۆتۆمبێلێک خۆی کێشا بە ناوەندی شەقامێکدا و شۆفێری ئۆتۆمبێلەکەش پاش رووداوەکەوە، لە شوێنەکە رۆیشتبوو.
بەڕێوەبەرایەتیی هاتوچۆی گەرمیان بڵاویکردەوە، کەمێک پێش ئێستا، ئۆتۆمبێلێکی جۆری تۆیۆتا لاندکرۆزەر، لەسەر رێگەی کەلار بۆ گردەگۆزینە، لە نزیک گۆڕستانی شێخ عەبدولڕەحمان، کۆنتڕۆڵی لەدەستدا و خۆی بەناوەندی شەقامەکەدا کێشا.
ئەوەشی خستەڕوو، بەهۆی رووداوەکەوە، نەمامێک و ستوونێکی رووناکی زیانی پێگەیشت، هەروەها لێخوڕی ئۆتۆمبێلەکە لە شوێنی رووداوەکە رۆشتبوو.
ئاماژەی بەوەشکرد، بۆ زانینی هۆکاری رووداوەکە، تیمی هاتوچۆ لێکۆڵینەوەیان لە رووداوەکە دەستپێکردووە.
