کەشناسیی هەرێمی کوردستان، رایگەیاند، بارانبارین لە چەند ناوچەیەک دەستیپێکردووە و ناوچەی دیکەش دەگرێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، بارانبارین لە دهۆک، زاخۆ و هەندێک لە ناوچەکانی دەوروبەری دەستیپێکردووە و پێشبینیش دەکرێت کاریگەرییەکەی لە درەنگانی ئەمشەودا تاوەکو بەرەبەیانی سبەینێ چوارشەممە درێژببێتەوە بۆ سەرجەم ناوچەکانی باکوور و ناوەڕاستی هەرێمی کوردستان و ئیدارەی سۆران و راپەڕین، هەروەها ئەگەری کەمێک نمەباران هەیە لە سەنتەری شاری سلێمانی.
دەشڵێت، پێشبینیی بارانبارین بۆ پارێزگای هەڵەبجە، گەرمیان و کەرکوک ئەگەرێکی زۆر کەمە.
