دەرباز کۆسرەت رەسوڵ ئاشکرایدەکات، ناوچەکە لە دۆخێکی ئاڵۆزدایە و گرنگە هەمووان یەکڕیز و یەکدەنگ بن.
دەرباز کۆسرەت رەسوڵ، ئەندامی مەکتەبی سیاسیی یەکێتیی نیشتمانیی کوردستان لە لێدوانێکدا رایگەیاند، ناوچەکە بەگشتی و عێراق بەتایبەتی، بەرەو گۆڕانکاریی گەورە دەڕۆن، بۆیە لەنێوان یەکێتی و پارتی لێکتێگەیشتن هەیە کە لەم دۆخە ئاڵۆزەدا، کورد یەکڕیز و یەکدەنگ بێت، هەروەها تەبایی خۆی بپارێزێت.
وتیشی، پێکهێنانی حکومەتی هەرێمی کوردستان و دیاریکردنی سەرۆککۆماری عێراق، رۆڵی کاریگەریان دەبێت لە نەهێشتنی ئەو چەقبەستووییەی کە ئێستا هەیە.
