شارەزایەکی بواری کەشناسی رایدەگەیەنێت، لە سبەینێوە دۆخی کەشوهەوا ئاساییدەبێتەوە و چەند رۆژێک دەخایەنێت.
هەڤاڵ سدیق، شارەزای بواری کەشناسی رایگەیاند، لە درەنگانی ئەمشەو، کاریگەریی ئەم شەپۆلی بارانبارینەی ئەمڕۆ بەرەو لاوازبوون دەچێت و بارانبارین کۆتاییدێت.
ئاماژەی بەوەشکرد، لە سبەینێوە کە دەکاتە رۆژی یەکشەممە 15ـی 2ـی 2026، دۆخی کەشوهەوای سەرجەم ناوچەکانی هەرێمی کوردستان ئاسایی و سەقامگیردەبێتەوە بۆ ماوەی 72 کاتژمێر ئاسمان خۆرەتاو و پەڵەهەوری سپی دەبێت، لە رۆژانی 18 و 19ـی مانگ شەپۆلێکی دیکەی بارانبارینی لاواز روو لە بەشێک لە ناوچە جیاوازەکانی هەرێمی کوردستان دەکات؛ بەڵام گشتگیر نییە و لە دوو رۆژی داهاتوودا رووندەبێتەوە، لەوانەیە گۆڕانکاریی ئیجابی رووبدات و دۆخی شەپۆلەکە باشتربێت.
