ئێوارەی ئەمڕۆ لە گوندی ناومێرگانی سنووری قەزای مێرگەسۆر بەهۆی شۆرتی کارەباوە ماڵێک سووتا.
بەڕێوەبەرایەتیی بەرگریی شارستانیی سۆران بڵاویکردەوە، “ئێوارەی ئەمڕۆ ئاگادارکراینەوە بە بوونی رووداوێکی ئاگرکەوتنەوە لە گوندی ناو مێرگان-ی قەزای مێرگەسۆر، دواتر تیمی ئاگر کوژێنەوەی بنکەی بەرگریی شارستانیی مێرگەسۆر گەیشتە شوێنی رووداوەکە توانیان ئاگرەکە بکوژێننەوە و رێگری لە زیاد بوونی بکەن و رێژەی زیانەکان کەمتر بکەنەوە”.
ئاشکراشیکرد، “هۆکاری ئاگرەکە شۆرتی کارەبا بوو، جگە لە زیانی ماددی هیچ زیانی گیانی بەدواوە نەبوو”.
