هێزەکانی كۆماندۆی كوردستان رێگری لە دروستكردنی کۆمەڵێک حەشارگەی نوێی تـ.ـیرۆریستانی د.ا.عـ.ـش لە ناوچەكانی سنووری گەرمیان كرد و سەرجەمیان خاپوورکران و تەقێنرانەوە.
راگەیاندنی هێزەکانی کۆماندۆ کوردستان بڵاویکردەوە، بەرەبەیانیی ئەمڕۆ سێشەممە، 10ی شوباتی ،2026 فەرماندەیی هێزەكانی كۆماندۆی كوردستان بە هەماهەنگیی فەوجی كەركوكی دژەتیرۆری عێراق، هەروەها فڕۆكە و هێزەكانی هاوپەیمانان، بە هاوبەشیی تیمێكی تایبەتیی هێزەكانی فەڕەنسا، ئۆپراسیۆنێكیان بۆ ناوچەكانی سنووری پەلكانە، دوراجی و بەرزاییەكانی ئەو سنوورە ئەنجامدا.
ئەوەشی خستەڕوو، لەگەڵ گۆڕانكارییەكانی ئەم دواییەی سوریا و رۆژئاوای كوردستان، پاش دەستخستنی زانیاریی وردی هەواڵگری كۆماندۆی كوردستان، كە ژمارەیەک لە تیرۆریستانی د.ا.عـ.ـش لە سنووری ناوچەی پەلكانە، دوراجی و دەوروبەری خەریكی جموجوڵ و دروستكردنی حەشارگەی نوێبوون تا ببنە مەترسی بۆ سەر خەڵكی ناوچەكە.
ئاماژەی بەوەشکرد، هاوشانی هێزەكانی بەشدار لە ئۆپراسیۆنەکە، توانیان دەیان كیلۆمەتری چوارگۆشە لە سنوورەكە كێوماڵ بكەن و شوێنپێی تیرۆریستان هەڵگیرایەوە و چەند حەشارگەیەک لەلایەن تیمی (E.O.D) كۆماندۆوە تەقێنرایەوە و سەرجەمیان خاپوركران.
