کەشناسیی هەرێمی کوردستان، رایگەیاند، درەنگانی ئەمشەو رێژەی بارانبارین زیاددەکات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، ئەمشەو ئاسمانی هەرێمی کوردستان لەنێوان نیمچەهەور و هەوری تەواو دەبێت لەگەڵ بارینی نمەبارانی پچڕپچڕ لە هەندێک ناوچەی جیادا.
دەشڵێت، “لە درەنگانی شەو رێژەی بارانبارینەکە زیاددەکات لەگەڵ بەفربارینێکی کەم لەسەر لوتکەی شاخە بەرزەکان و ناوچە سنوورییەکان، لەگەڵ بوونی تەم لە هەندێک ناوچەی شاخاوی”.
