دەوڵەتی یاسا: مالکی نیازی کشانەوەی نییە

هاوپەیمانیی دەوڵەتی یاسا رایگەیاند، نوری مالکی هیچ نیازێکی نییە بۆ کشانەوە لە کاندیدبوون.

بەگوێرەی میدیا عێراقییەکان، هاوپەیمانیی دەوڵەتی یاسا سورە لەسەر بەردەوامبوون لە کاندیدکردنی نوری مالکی، بۆ پۆستی سەرۆکوەزیرانی عێراق.

هاوپەیمانێتییەکە راشیگەیاند، هەموو ئەو دەنگۆیانەی باس لە کشانەوەی ناوبراو دەکەن، “بێ بنەمان و دوورن لە راستییەوە.”