دیاری محەمەد، بەڕێوەبەری سەنتەری میترۆ لە لێدوانێکدا بۆ تۆڕی میدیایی ئێستا رایگەیاند، ئەو بڕیارەی کە کەناڵی NRT پێ داخراوە نایاساییە، چونکە بڕیارەکە تایبەتە بە هەڵواسینی وێنەیەک لە دامودەزگاکانی حکومەت و هیچ پەیوەندییەکی بە داخستنی کەناڵەوە نییە.
وتیشی، بەگوێرەی یاسا، هیچ کەسێک ناتوانێت کەناڵێک دابخات، تەنها لە چەند حاڵەتێکدا ئەگەر کەناڵەکە بەشێوەیەکی پیشەییانە کاری نەکرد، کۆمەڵێک رێکاری یاسایی هەیە لە دژی دەگیرێتەبەر کە زۆربەیان ماددیین و لە چەند حاڵەتێکدا پەخشەکەی بۆ ماوەیەکی کورت رادەگیرێت کە ئەویش دەبێت دادگا، وەزارەتی رۆشنبیری و سەندیکای رۆژنامەنووسان ئاگاداربکاتەوە.
ئاماژەی بەوەشدا، بڕیارەکە کاریگەریی خراپی لەسەر ناوبانگی هەرێمی کوردستان دەبێت، بەتایبەتی لەم کاتەدا کە کورد و هەرێمی کوردستان پێویستی بە پشتیوانیی نێودەوڵەتیی هەیە، بۆ ئەو پاڵپشتییەش پێویستە هەرێمی کوردستان
