بەڕێوەبەرایەتیی گشتیی كارەبای سلێمانی رایدەگەیەنێت، “ئاگاداری هاوڵاتییان و هاوبەشانی كارەبای سنووری بەڕێوەبەرایەتیی گشتیی كارەبای سلێمانی دەكەینەوە كە لە ئێستادا ژمێركاری كارەبا پسووڵەی كارەبا دەهێنێتەوە بۆ ماڵەكان و هاوڵاتییان دەتوانن لەبەردەم ماڵەكانیاندا پارەی كارەبا بدەن”.
بەپێی راگەیەندراوێكی بەڕێوەبەرایەتیی گشتیی كارەبای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، تكایە بەبێ بوونی ئەو نیشانانەی خوارەوە پارەی پسووڵەی كارەبا بەهیچ كەسێكی تر نەدەن كە بریتییە لە:-
كارمەندانی ژمێركار هێلەكی تایبەتیان پۆشیووە كە (لۆگۆ)ی وەزارەتی كارەبای لەسەر نەخشێندراوە.
ژمێركار باج و مۆری تایبەتیان بەو كارە پێیە.
كارەبای سلێمانی جەختدەكاتەوە، “وەرگرتنی پارەی كارەبا لای ماڵەكان وەك ئاسانكارییەكە بۆ هاوڵاتییان كە خۆیان نەچن بۆ بنكەكانی پارەدانی كارەبا، هەروەها كەڵەكەنەبوونی قەرزی كارەبا و هاوڵاتییان ئاگاداردەكەین كە لەئێستادا تەنها پارەی خەرجی مانگانەی كارەبا وەردەگیرێت و قەرز وەرناگیرێت، هەر كەسێكیش خۆی بیەوێت دەتوانێت قەرزی كارەباكەی هەمووی یاخود بەشێوەی قیست بدات”.
