قائیمقامیەتی سلێمانی بڵاویکردەوە، بەهۆی بوونی کەسانی سەروو تەمەن 18 ساڵ و کێشانی جگەرە تێیدا، گەیم سەنتەری ”دانا” لە گەڕەکی بەکرەجۆ داخرا.
بەگوێرەی راپۆرتی لیژنەکانی قائیمقامیەتی سلێمانی، گەیم سەنتەرەکە مۆڵەتی دانانی یاریکردنی بۆ کەسانی خوار تەمەن 18 ساڵ بۆ وەرگیراوە، بەڵام سەروو 18 ساڵ لە شوێنەکەدا بوون کە ئەوەش پێچەوانەی رێنماییەکانە.
قائیمقامیەت ئەوەشی راگەیاندووە، لەکاتی سەردانییکردنی لیژنەکان، دەرکەوتووە لە شوێنەکەدا جگەرە کێشراوە، بۆیە بڕیاری داخستنی گەیم سەنتەرەکە دراوە و خاوەنەکەی رووبەڕووی رێکاری یاسایی کراوەتەوە.
