ماڵپەڕی ئەکسیۆس رایدەگەیەنێت، چاوەڕواندەکرێت ئەم هەفتەیە، کۆبوونەوەیەک لەنێوان نێردراوی سەرۆکی ئەمریکا و کاربەدەستانی ئێران لە ئەنقەرەی پایتەختی تورکیا بەڕێوەبچێت.
ماڵپەڕەکە لە زاری چەند سەرچاوەیەکی ئاگادارەوە ئاماژەی بەوەکردووە، دەسەڵاتدارانی تورکیا، میسڕ و قەتەڕ کاردەکەن بۆ رێکخستنی کۆبوونەوەیەک لە ئەنقەرە لە چەند رۆژی داهاتوودا لە نێوان ستیڤ ویتکۆف، نێردەی تایبەتی سەرۆکی ئەمریکا و بەرپرسانی باڵای ئێران.
ئەمڕۆ دۆناڵد ترەمپ، سەرۆکی ئەمریکا هیوای خۆی دەربڕی کە ئیدارەکەی بتوانێت لەگەڵ ئێران بگەنە رێککەوتن، هاوکات ئاماژەی بەوەدا، کە ئەمریکا “گەورەترین و بەهێزترین کەشتیی جیهان”ـی لە ناوچەکەدا جێگیرکردووە.
