ئەمشەو منداڵێکی تازە لەدایکبوو لە نزیک مزگەوتی تەقوا لە کەلار دۆزرایەوە و پۆلیسی گەرمیان دەڵێت، لێكۆڵینەوە دەكات.
بەپێی راگەیەندراوی پۆلیسی گەرمیان، ئەمشەو ئاگادارکراونەتەوە لە بوونی منداڵێکی کورپە کە بە پارچە قوماشێک پێچراوە و لە نزیک مزگەوتی تەقوای قەزای کەلار بەجێهێڵدراوە.
راگەیەندراوەكە ئاماژەی بۆ ئەوەش كردووە كە “مەفرەزەی بەشی پۆلیسی کەلار چووەتە شوێنی ناوبراو و منداڵەکەی گەیاندووەتە بەشی فریاکەوتنی نەخۆشخانەی شەهید هەژار و لە ئێستادا منداڵەکە تەندروستیی جێگرە و لەژێر چاودێریی پزیشکدایە”.
بەڕێوەبەرایەتیی پۆلیسی گەرمیان راشیگەیاندووە، دەستیان بە لێکۆڵینەوە کردووە بۆ ئاشکراکردنی ناسنامەی منداڵەکە.
