هودا شەعراوی، ئەکتەری دیاری بواری دراما و سینەما لە سوریا، بە کوژراوی لە ماڵەکەیدا دۆزرایەوە.
ئەمڕۆ ناوەندی هونەریی سوریا توشی شۆکێکی گەورە بوو، پاش ئەوەی بڵاوکرایەوە کە هودی شەعراوی ئەکتەری دیاری دراما و سینەما لە سوریا، کە زیاتر بە رۆڵی “ئوم زەکی” لە درامای “باب الحارە” ناسراوە، لە تەمەنی 87 ساڵیدا بە کـ.ـوژراوی لە ماڵەکەی خۆی لە دیمەشق دۆزرایەوە.
میدیاکانی سوریا بڵاویانکردەوە، کە گومانێکی زۆر لە مـ.ـردنەکەی دەکرێت؛ بە وتەی چەند شایەتحاڵێک، ناوبراو کێشەی لەگەڵ خزمەتکارە سریلانکییەکەیدا هەبووە و زۆرینەی گومانەکان بۆ ئەوە دەچن کە بە دەستی خزمەتکارەکەی کـ.ـوژرابێت، بەڵام تاوەکو ئێستا پۆلیسی دیمەشق هیچ روونکردنەوەیەکی سەبارەت بە رووداوەکە بڵاونەکردووەتەوە.
