ئەنجومەنی ئاوارەکانی هەرێمی جەزیرە رایگەیاند، 2700 کەس لە رۆژئاڤا بێسەروشوێنن.
ئەنجومەنی ئاوارەکان رایگەیاند، ئاوارەکانی رۆژئاڤا پێویستیان بە پێداویستییە سەرەکییەکان هەیە، لەوانە پێداویستییەکانی منداڵانی ساوا، پێداویستیی تەندروستی، ئامێرە گەرمکەرەوەکان، سووتەمەنی و خۆراک.
بەپێی ئامارەکانی ئەنجومەنەکە، لە سەرەتای رووداوەکانی شێخ مەقسوودەوە تاوەکو ئێستا، نزیکەی 150 هەزار تا 200 هەزار کەس ئاوارەبوون، جگە لە ئاوارەکانی کۆبانێ؛ هەروەها نزیکەی 2700 کەس بێسەروشوێنن و چەندین ژن و منداڵ شەهیدکراون.
ئاماژەی بەوەشکردووە، نزیکەی 50 خێزانی ئاوارە لە گوندی سەباح خێر لە نێوان رێگەی رەققە و حەسەکە، کۆمەڵکوژکراون.
