وەزارەتی خوێندنی باڵا دوو پۆست رادەگەیەنێت

وەزارەتى خوێندنى باڵا و توێژینەوەى زانستى، پۆستی راگری کۆلێژی یاسا و کارگێڕى لە زانکۆى هەڵەبجە رادەگەیەنێت.

وەزارەتى خوێندنى باڵا و توێژینەوەى زانستیی هەرێمی کوردستان رایگەیاند، لە چوارچێوەى رێنماییەکاندا پۆستی راگری کۆلێژی یاسا و کارگێڕى لە زانکۆى هەڵەبجە رادەگەیەنێت و هەر کەسێک ئارەزووى هەیە و مەرجەکانى تێدا بەرجەستەیە، دەتوانێت لە ماوەى دیاریکراودا (C.V) و داواکارییەکەى پێشکەشبکات، تا ناوى لە لیستى خوازیاراندا تۆماربکرێت.

مەرجەکان:

– هەڵگرى بڕوانامەى دکتۆرا بێت.

– نازناوى زانستى لە پڕۆفیسۆرى یاریدەدەر کەمتر نەبێت.

– خزمەتى زانکۆیی لە 10 ساڵ کەمتر نەبێت.

تێبینی:

– هەرکەسێک داواکاری پێشکەشدەکات، باشترە دید و بۆچوون و بەرنامەى کاری خۆى پێشکەشبکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت.

– زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى، هەلى زیاتر بۆ پێشکەشکار دەڕەخسێنیت.

– پێویستە خوازیار (C.V) و پوختەى راژە و یەکەمین فەرمانى بەدەستهێنانى نازناوى زانستى و لیستى ناو و ناونیشانى توێژینەوە زانستییە بڵاوکراوەکانى و کارتى نیشتمانى یاخود ناسنامەى بارى شارستانى پێشکەشبکات.

– پێویستە پوختەى راژەى لەلایەن سەرۆکایەتیی زانکۆ پەسەندکرابێت.

دەشڵێت، هەرکەسێک ئارەزووى هەیە و مەرجەکانى سەرەوەى تێدا بەدیدەکرێت، دەتوانێت (C.V) و پوختەى راژەى راستەوخۆ لەم بەستەرەى خوارەوە لە ئەمڕۆوە دووشەممە رێکەوتی 26ـی 1ـی 2026 تاوەکو 5ـی 2ـی 2026 پڕبکاتەوە و بینێرێت.