هەسەدە و حکومەتی سوریا بەنیازن بۆ چارەسەرکردنی کێشە هەڵپەسێردراوەکانی نێوانیان، ماوەی ئاگربەست بۆ ماوەی مانگێک درێژبکەنەوە.
ئاژانسی فڕانس پرێسی فەڕەنسی بڵاویکردەوە، رێککەوتنی ئاگربەستی نێوان هەسەدە و دیمەشق بۆ ماوەی یەک مانگ درێژدەکرێتەوە، ئەمەش بە ئامانجی گەیشتن بە چارەسەرێکی سیاسی، کە هەردوولا پەسەندی بکەن.
سەرچاوەیەکی کوردی، کە ئاگاداری دانوستانەکانی نێوان هەسەدە و حکومەتی سوریا بووە، بە ئاژانسەکەی راگەیاندووە، “رێککەوتنی نێوان هەسەدە و حکومەتی سوریا ئەوپەڕی تاوەکو مانگێک دەخایەنێت و دوا وادەیە بۆ چەندین پرسی چارەسەرنەکراو”.
ئاژانسەکە ئەوەشی خستەڕوو، یەکێک لە هۆکارەکانی درێکردنەوەی ئاگربەستەکە، رێگەخۆشکردنی زیاترە بۆ گواستنەوەی زیندانیانی داعش لە سوریاوە بۆ عێراق.
