محەمەد شیاع سودانی، سەرۆکوەزیرانی عێراق لەگەڵ تۆم باراک، نێردەی ئەمریکا بۆ کاروباری سوریا کۆبووەوە.
نووسینگەی سەرۆکوەزیرانی عێراق بڵاویکردەوە، “محەمەد شیاع سودانی، سەرۆکوەزیرانی عێراق، پێشوازیکرد لە تۆم باراک، نێردەی تایبەتی سەرۆکی ئەمریکا بۆ کاروباری سوریا و پێکەوە تاوتوێی کۆتا گۆڕانکارییەکانی ناوچەکە و سوریایان کرد”.
ئاماژەی بەوەشکرد، “محەمەد شیاع سودانی لای خۆیەوە دووپاتیکردەوە سەقامگیری دۆخی ئەمنیی سوریا یەکجار گرنگە بۆ عێراق و ناوچەکە، هەروەها جەختی لە گرنگی هەماهەنگی هەردوو وڵات کردووە لە هێنانەکایەی ئارامی و ئاسایش لە سنووری هەردوو وڵاتدا”.
