مەزڵوم عەبدی رایدەگەیەنێت، لە ئێستادا بە هەموو توانامانەوە کاردەکەین بۆ یەکگرتنی راستەقینە و پاراستنی ئاگربەست.
جەنەراڵ مەزڵوم عەبدی، فەرماندەی هێزەکانی سوریای دیموکرات (هەسـ.ـەدە) لە تۆڕی X بڵاویکردەوە، “ئەمڕۆ دیدارێکی گرنگ و بەرهەمدارمان لەگەڵ تۆم باراک، نێردەی سەرۆکی ئەمریکا لە سوریا و بڕاد کووپەر، فەرماندەی ناوەندیی هێزەکانی ئەمریکا ئەنجامدا”.
وتیشی، “پاڵپشتییەکانی دۆناڵد ترەمپ، سەرۆکی ئەمریکا بۆ ئاگربەست و هەوڵەکانی تۆم باراک بۆ گەڕانەوەی دیالۆگ و وتوێژ لەنێوان ئێمە و حکومەتی سوریا جێگەی بایەخێکی گەورەیە، هەروەها پێشوازی لێدەکەین”.
لە کۆتایشدا رایگەیاند، “بەهەموو توانامانەوە کاردەکەین بۆ یەکگرتنی راستەقینە و پاراستنی ئاگربەست لە ئێستادا”.
