نرخی زێڕ بەشێوەیەکی بەرچاو بەرزبووەوەتەوە و نرخی هەر مسقاڵێک زێڕی عەیاری 21 گەیشتووەتە 1 ملیۆن و 15 هەزار دینار.
ئەدیب غەریب، زێڕنگەر لە شاری سلێمانی بە تۆڕی میدیایی ئێستای راگەیاند، لە دوێنێوە نرخی زێڕ نزیکەی 25 هەزار دینار زیادیکردووە و لە ئێستادا یەک مسقاڵ زێڕی عەیارە 21 “بێ هەقدەست” بە یەک ملیۆن و 15 هەزار دینار دەفرۆشرێت.
ئاماژەی بەوەشدا، نرخی کیلۆیەک زێڕ 15 دەفتەر و 60 وەرەقە (156 هەزار دۆلار) مامەڵەی پێوەدەکرێت، بەراورد بە دوێنێ نزیکەی 33 وەرەقە زیادیکردووە.
ئەدیب غەریب ئاماژەی بەوەشدا، لە ئێستادا یەک مسقاڵ زێڕی عەیار 18 بە 870 هەزار دینار و یەک لیرە بە 10 وەرەقە و 30 دۆلار دەفرۆشرێت.
