پسپۆڕێکی بواری ئابوری رایگەیەنێت، بەبێ لێکۆڵینەوە باج لەسەر هاوڵاتییان زیاددەکرێت و ئەوەی دەکرێت بەبێ لێکۆڵینەوە کراوە.
د. لاڤە ئاراس، پسپۆڕی بواری دارایی و ئابوری بە تۆڕی میدیایی ئێستای راگەیاند، قوربانیی یەکەمی زیادکردنی بڕی باج هاوڵاتییانن، چونکە وڵاتەکەمان خۆژیێن نییە بەڵکو بەکاربەرە، سەرەڕای ئەوەش مووچەی هاوڵاتییان جێگیرنییە و بەردەوام دوادەکەوێت، دۆخی بازاڕ بەردەوام لە شڵەژاندایە، بۆیە پاش زیادکردنی بڕی باج، راستەوخۆ کاریگەرییەکەی لەسەر داهات و باری ئابوریی هاوڵاتییان دەردەکەوێت.
وتیشی، ئێمە ناڵێین زیادکردنی باج هەڵەیە، بەڵکو لە ئێستادا بارودۆخەکە لەبار نییە، ئەوەی کە کراوە بەبێ لێکۆڵینەوە لە داهاتی هاوڵاتییان و دۆخی بازاڕ کراوە، ئەمە لەبری سوود زیان و سەرئێشەکانی زیاتر دەبێت.
