بە ئامانجی گۆڕینی شێوازی حکومڕانی لە هەرێمی کوردستاندا، یەکێتیی نیشتمانیی کوردستان و جووڵانەوەی نەوەی نوێ کۆبوونەوە و لەوبارەیەوە گەیشتنە رێککەوتنێک.
لە کۆنفرانسێکی هاوبەشی رۆژنامەوانیدا لە سلێمانی، بافڵ جەلال تاڵەبانی، سەرۆکی یەکێتیی نیشتمانیی کوردستان ئاشکرایکرد، لەگەڵ نەوەی نوێ گەیشتوونەتە رێککەوتنێکی سیاسی و فڕاکسیۆنەکانیان لە پەرلەمانی کوردستان دەکەنە یەک.
وتیشی، “ئێستا وەک هێزێکی یەکگرتووە خاوەنی 38 کورسین و مەبەستمانە ئەم رێککەوتنە فراوانتر بکەین و لایەنەکانی دیکەش بێنە ناو بەرەکەوە.
لە کۆتایشیدا بافڵ جەلال تاڵەبانی ئاماژەی بەوەکرد، کە پڕۆسەی سەردانی لایەنەکان بەردەوامدەبێت و دەیانەوێت لەگەڵ هەمووان حکومەتێکی جیاواز دروست بکەن.
