بەڕێوەبەرایەتیی گشتیی ئەوقافی سلێمانی رایدەگەیەنێت، لیژنەیەکیان بۆ لێکۆڵینەوە لە رووداوەکەی ئەمڕۆی مزگەوتی بەختەوەری پێکهێنا.
بەڕێوەبەرایەتیی گشتیی ئەوقاف و کاروباری ئایینیی پارێزگای سلێمانی لە راگەیەندراوێکدا بڵاویکردەوە، ئەمڕۆ ھەینی، لەکاتی وتاری ھەینی لە مزگەوتی بەختەوەریی شاری سلێمانی، بەھۆی ھەندێک بابەتی لابەلای دەرەوەی وتار، گفتوگۆیەک لەنێوان مامۆستای وتارخوێن و نوێژخوێنانی مزگەوتەکە دروستبووە و بووەتە ھۆی نیگەرانیی بەشێکی نوێژخوێنان، ئێمە لە بەڕێوەبەرایەتیی گشتیی ئەوقاف، ئەم سێ خاڵە بۆ رای گشتی دەخەینەڕوو.
1- بەپێی راسپاردەکانی کۆنفرانسی رێکخستنی وتاری ئاینی، ھیچ مامۆستایەکی وتارخوێن نابێت (راستەوخۆ یان ناڕاستەوخۆ)ھێرشبکاتە سەر ھیچ کەس و لایەنێک لەکاتی وتار و لەناو حەرەمی مزگەوتدا.
2- تێکدانی کەشی وتار و بەشێکی نوێژخوێنان لەناو وتار بەم شێوازەی لە بڵاوکراوەکاندا تۆمارکراوە، ئارامیی مزگەوتەکان تێکدەدات، کە ھیچ کەسێک ئاواتی بۆ ناخوازێت.
3- بریارماندا بە پێکھێنانی لیژنەیەکی تایبەتمەند تاوەکو بگەینە دروستیی بابەتەکە و لە کۆتاییدا بەپێی یاسا و رێنماییەکان، مامەڵەدەکەین.
