بەڕێوەبەری لقی سلێمانیی کۆمسیۆنی باڵای سەربەخۆی هەڵبژاردنەکانی عێراق رایدەگەیەنێت، بەشی زۆری رێکارەکانی ناردنی پارەی کارمەندانی کۆمسیۆن کۆتاییهاتووە و بەم نزیکانە پارەکە دابەشدەکرێت.
ئامانج عەزیز، بەڕێوەبەری لقی سلێمانیی کۆمسیۆنی باڵای سەربەخۆی هەڵبژاردنەکانی عێراق بە تۆڕی میدیایی ئێستای راگەیاند، کۆمسیۆن نووسراوی ئاڕاستەی وەزارەتی دارایی کردووە و داتا و زانیاریی سەرجەم کارمەندانی ناردووە، هەروەها لە نووسراوەکەشدا بڕە پاداشتەکانی تیادا جێگیرکراوە و داوای ناردنی پارەکەی کردووە.
وتیشی، لە زۆربەی هەڵبژاردنەکاندا ناردنی پارەکە چەند مانگێکی پێچووە و ئەمەش ئاساییە، دەبێت ئەوەشمان لەبەرچاوبێت کە ژمارەی کارمەندانی کۆمسیۆن زۆرن و دابینکردنی پارەکە و ناردنی پێویستی بە کاتە.
باسی لەوەشکرد، بەشی زۆری رێکارەکان کۆتاییهاتوون و بەم نزیکانە پارەکە دابەشدەکرێت.
