بەڕێوەبەرایەتی گشتیی کارەبای سلێمانی بڵاویکردەوە، بەرنامەی کارکردنی مۆلیدە ئەهلییەکان دەگۆڕێت و بۆ رۆژانی جەژن 24 کاتژمێری دەبێت، “واتە هەر کاتێک کارەبای نیشتیمانی کوژایەوە، دەبێت مۆلیدەکان کارەبا بدەن.”
ئەمڕۆ یەكشەممە بەرنامەی كاركردنی مۆلیدە ئەهلییەكان بۆ مانگی نیسان دیاریكرا و لە ئەمڕۆوە تا یەكەم رۆژی جەژن رۆژانە لە كاتژمێر (1:00)ى پاشنیوەڕۆ تا (5:00)ى بهرهبهیان كاردهكهن.
هاوکات، بەرنامەی کارکردنی مۆلیدەکان بۆ رۆژانی جەژن 24 كاتژمێری دەبێت و هەركاتێك كارەبای نیشتمانی كوژایەوە پێویسته كارەبا به هاوڵاتییان بدەن.
ئاماژە بەوەشکراوە، دوای جەژن تاكۆتایی مانگی نیسان رۆژانە لە كاتژمێر (12:00)ى پاشنیوەڕۆ تا (1:00)ی شەو كار دەكەن، بەیانیانیش لەکاتژمێر 6:30 تا 8:00 ى بەیانى کاردەکەن، بەڵام رۆژانی هەینی و شەممان بەیانیان كارناكەن لە بری ئەوە كاتژمێر (11:00)ی پێشنیوەڕۆ كاردەكەن.
