بەرپرسی دەستەی پەیوەندییەکانی دەرەوەی بەڕێوەبەرایەتیی خۆسەر رایدەگەیەنێت، بە مەرجی گەرەنتیکردنی پاراستنی گیانی هاوڵاتییانی ئەو دوو گەڕەکە، ئامادەین هێزەکانمان دەگوازینەوە.
ئیلهام ئەحمەد، بەرپرسی دەستەی پەیوەندییەکانی دەرەوەی بەڕێوەبەرایەتیی خۆسەر لە باکوور و رۆژهەڵاتی سوریا لە تۆڕی کۆمەڵایەتیی X بڵاویکردوەتەوە، “پاراستنی هاوڵاتییانی شێخ مەقسوود و ئەشرەفییە ئەرکی لەپێشینەمانە، بەمەرجی پاراستنی ئاسایشی هاوڵاتییان، پێشوازی لە هەر جۆرە ناوەندگیرییەکی نێودەوڵەتی دەکەین بۆ گواستنەوەی هێزەکانمان بۆ رۆژهەڵاتی فوڕات”.
وتیشی، “دەبێت بوونی هێزە ئەمنییە کوردییەکان و ناوخۆییەکان لەو ناوچانەدا مسۆگەربکرێت، ئەمەش لەسەر بنەمای رێککەوتنی یەکی نیسانی ساڵی 2025”.
