یەکێتیی زانایان، رایگەیاند، ئەوەی لە شێخ مەقسود و ئەشرەفیە دەکرێت پێچەوانەی بنەماکانی ئیسلامە.
یەکێتیی زانایانی ئایینیی کوردستان، رایگەیاند، بەتووندی ئیدانەی هێرشی سوپای عەرەبیی سوریا بۆ سەر گەڕەکەکانی شێخ مەقسود و ئەشرەفیە دەکەین.
دەشڵێت، “ئەوەی لەوێ دەکرێت پێچەوانەی بنەماکانی ئایینی پیرۆزی ئیسلامە، هیوادارین کۆمەڵگەی نێودەوڵەتی لەئاست ئەو هێرشکارییە بەرامبەر کورد بێ دەنگ نەبێت، داوا لە دامەزراوە و کەسایەتیی ئایینیی کورد و عەرەب لەناو سوریا دەکەین بەرپرسیارانە رۆڵی خۆیان ببینن و فاکتەری هێورکردنەوە و راگرتنی شەڕ بن نەک فووکردن”.
یەکێتیی زانایان دەڵێت، داوا لە حکومەتی سوریا دەکەین ئەو شـ.ـەڕ و دەستدرێژییانە رابگرێت، لە بری ئەوە دانوستان و ئاشتی و دیالۆگ بکاتە هەوێنی بونیادنانی سوریای نوێ و مافی پێکهاتەکان لەبەرچاو بگرێت.
