ئەندامێكی خولی پێشووی ئەنجومەنی نوێنەرانی عێراق رایدەگەیەنێت، هەمواری یاسای بودجە و دەستپێكردنەوەی هەناردەی نەوتی هەرێم بەشێكی كێشەكانی نێوان هەرێم و بەغداد و كێشەی مووچە چارەسەردەكات.
د. یوسف محەمەد ئەندامی خولی پێشووی ئەنجومەنی نوێنەرانی عێراق رایگەیاند، هەندێك ئاماژەی ئەرێنی هەیە كە وادەكات لە داهاتوو كێشەكانی نێوان هەرێم و بەغداد بە ئاسانی چارەسەربكرێت، بە تایبەت هەمواری یاسای بودجە و دەستپێكردنەوەی هەناردەی نەوتی هەرێم بەشێكی كێشەكانی نێوان هەردوولا چارەسەردەكات.
وتیشی، ئەگەر نیوەی داهاتەكان بگەڕێتەوە و هەناردەی نەوت دەستپێبكاتەوە ئەو كات هەرێمی كوردستان بەشداردەبێت لە زیادكردنی داهاتی گشتی و كاریگەری لەسەر چارەسەركردنی كێشەكان دەبێت و لە پرسی بە بانكیكردنی مووچەشدا چاوەڕواندەكرێت ئەمساڵ ئەو پرسەش یەكلابكرێتەوە”.
راشیگەیاند، ئەگەر هەرێمی كوردستان پابەندی رادەستكردنی نەوت نەبێت لە رێگای سۆمۆوە ئەوا لە مانگەكانی داهاتوودا بەغداد مووچە نانێرێت.
