دەستەی کەشناسیی عێراق پێشبینییەکانی کەشوهەوای چەند رۆژی داهاتووی بڵاوکردەوە و ئاماژەی بەوەکردووە، لە رۆژی یەکشەممە و دووشەممەدا ئاسمانی هەرێم نیمچەهەور دەبێت و ئەگەری بارانبارین دەبێت و رۆژی سێشەممەش تاوەباران دەبێت.
بە گوێرەی راگەیەندراوەکەی دەستەی کەشناسیی عێراق، سبەی یەکشەممە و دووسبەی دووشەممە، ئاسمان لە ناوەڕاست و باشووری عێراق ساماڵ و پەڵەهەور دەبێت، بەڵام لەناوچەکانی هەرێمی کوردستان نیمچەهەور و هەور دەبێت و ئەگەری بارینی باران دەبێت لەناوچەکانی رۆژهەڵاتی هەرێم و پلەی گەرمی دادەبەزێت.
لەبارەی کەشوهەوای رۆژی سێشەممەوە ئاماژەی بەوەداوە، پلەی گەرمی دابەزینی زیاتر لەناوچەکانی هەرێم بەخۆیەوە دەبینێت و تاوەباران دەبێت.
پێشبینییەکانی دەستەی کەشناسیی عێراق بەو ئاڕاستەیەن رۆژی چوارشەممە شەپۆلەکە کۆتایی پێبێت.
