كارنامەی مانگانەی ئەنجومەنی نوێنەرانی عێراق بڕیاری لەبارەوە درا و مانگانە 8 کۆبوونەوە ئەنجامدەدرێت.
نووسینگەی راگەیاندنی ئەنجومەنی نوێنەرانی عێراق، رایگەیاند، ئەمڕۆ یەکشەممە، 4ی کانوونی دووەمی 2026، هەیبەت حەلبوسی، سەرۆکی ئەنجومەن کۆبوونەوەی لەگەڵ هەریەک لە عەدنان فەیحان، جێگری یەکەم و فەرهاد ئەتروشی، جێگری دووەم ئەنجامداوە.
بە گوێرەی راگەیەندراوەکە، لە کۆبوونەوەکەدا چەند پرسێکی پەیوەست بە کارەکانی ئەنجومەنەکە تاوتوێکراون، هەروەها جەختکراوەتەوە لە کاراکردنی رۆڵی چاودێری و یاسادانانی ئەنجونەنی نوێنەران لە ماوەکانی داهاتوودا.
ئەوەش هاتووە، لە کۆبوونەوەکەدا باس لە ئامادەکارییەکان و کارنامەی مانگانە کرا کە تێیدا هەشت کۆبوونەوەی ئاسایی ئەنجامدەدرێن.
