ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 21ی خولی پلە یەکی ئیسپانیا، یانەی بەرشلۆنە بردنەوەی بەرانبەر ئەتلەتیک بلباو تۆمارکرد.
بەرشلۆنە لە یاریگای کامپ نو میوانداری ئەتلەتیک بلباوی کرد یاری نێوانیان بە بردنەوەی مێسی و هاوڕێیانی بە ئەنجامی (2-1) کۆتاییهات.
گۆڵەکانی بارسا لە خولەکەکانی 20 و 75 لەلایەن لیۆ میسی و ئەنتوان گریزمان، تاکە گۆڵەکەی بلباو لە خولەکی 49 بەهەڵە لەلایەن جۆردی ئالباوە تۆمارکران.
https://streamable.com/62vfpd
بەپێی ئەنجامە تۆمارکراوەکە، بەرشلۆنە بە کۆکردنەوەی (40) خاڵ بازێکی فراوانیدا و ژمارەی خاڵەکانی لەگەڵ ڕیاڵ مەدریدی ڕکابەری مێژوویی هاوتاکردەوە، بەڵام بە جیاوازی گۆڵ گەڕایەوە بۆ پلەی دووەم، لە ئێستادا هەردوو یانەی بەرشلۆنە و ڕیاڵ مەدرید بە جیاوازی 10 خاڵ کەوتوونەتە دوای ئەتلەتیکۆ مەدرید، لە کاتێکدا ئاتلەتی یارییەکی دواخراوی هەیە.
