رەنج پشدەری رۆژنامەنووس لە پەیامێكی ڤیدیۆیدا دەڵێت، “لە رۆژێك پێش جەژنەوە فڕۆكەیەك لە بەریتانیاوە بۆ قەتەر بەڕێكەوتووە كە 75 سەرنشینی هەڵگرتبوو، بەشێك لە سەرنشینەكان كوردن و بەنیازبوون بگەڕێنەوە و جەژن لە كوردستان بكەن بەڵام چارەنووسیان نادیارە”.
دەشڵێت، “شەوی یەكەم لە قەتەر براونەتە هۆتێل و پێیان راگەیەندراوە كە فڕۆكەیەكی دیكەیان بۆ دابیندەكرێت گرفت لە فڕۆكەكەیاندا هەیە، بەڵام تائێستا چارەنووسیان نادیارە كە ئاخۆ فڕۆكەی دیكەیان بۆ دابین نەكراوە یاخود گواستراونەتەوە بۆ توركیاوە و بەهۆی خراپیی هێڵەكانی ئینتەرنێتەوە نەیانتووانیوە پەیوەندیی بە كەسوكاریانەوە بكەن و كەس نازانێت”.
وتیشی، “داوا لە هاوڵاتییان دەكەین كە بەدواداچوون بكەن و چارەنووسیان یەكلابكرێتەوە كە ئاخۆ تاوەكو ئێستا لە قەتەرن یاخود گواستراونەتەوە بۆ توركیا و هیچ كەسێك زانیاریی لەسەریان نییە”.
