لیژنەی دارایی لە پەرلەمانی عێراق دەڵێت، “لە بودجەی ساڵی 2021دا دامەزراندن نابێت.”
هەیسم جبوری، سەرۆكی لیژنەی دارایی لە پەرلەمانی عێراق ڕایگەیاند، “ئێمە بڕگەی بڕین و كەمكردنەوەی موچەی فەرمانبەرانمان لە پرۆژەیاسای بودجەدا لابرد، لەبری ئەوە باجی دەرامەتمان جێگیركرد.”
جبوری لێدوانی بۆ میدیایی فەرمیی حكومەت داوە و وتویەتی، “فەرمانبەران بەهۆی قەیرانی داراییەوە دوو گورزیان بەركەوتووە، بۆیە بەرگەی سێیەم ناگرن كە كەمكردنەوەی موچەیە و نابێت موچەكانیان كەمبكرێنەوە.”
سەرۆكی لیژنەی دارایی ئاشكرایكردووە، “لە بودجەی 2021دا دامەزراندن نابێت و فەرمانبەر دانامەزرێندرێت، تەنها لە فەرمانگە خزمەتگوزارییەكاندا نەبێت ئەوەش بە شێوازی جێگرتنەوە، واتە دامەزراندنی فەرمانبەر لە جێگەی ئەوانەی وازدەهێنن یاخود خانەنشین دەكرێن.”
