لێپرسراوی راگەیاندنی فڕۆکەخانەی نێودەوڵەتیی سلێمانی رایگەیاند، هیچ گرفتێک بۆ گەشتەکانی فڕۆکەخانەی سلێمانی دروست نەبووە.
دانا محەمەد، لێپرسراوی راگەیاندنی فڕۆکەخانەی نێودەوڵەتیی سلێمانی، بە تۆڕی میدیایی ئێستای راگەیاند، هیچ گرفتێک بۆ گەشتەکانی فڕۆکەخانەی نێودەوڵەتیی سلێمانی دروست نەبووە.
وتیشی، تاوەکو ئێستا هیچ گۆڕانکارییەک لە گەشتەکاندا نەکراوە و سەرجەمیان بەپێی خشتەی گەشتەکان ئەنجامدەدرێن.
ئەمە لەکاتێکدایە شەپۆلێکی بەفر و باران زۆربەی ناوچەکانی هەرێمی کوردستانی گرتووەتەوە و ئاستەنگی بۆ بەشێک لە فڕۆکەخانەکان دروستکردووە و گەشتەکانیان لەکاتی خۆیاندا ئەنجام نادرێن.
