لە كاتی گەشتێكی كۆمەڵەی شاخەوانیی سلێمانی بۆ چیای زمناكۆ لە نزیك دەربەندیخان، یەكێك لە ئەندامانی كۆمەڵەكە كەوتووەتە خوارەوە و بە سەختی برینداربووە.
رووداوەكە ئەمڕۆ هەینی روویداوە، دواتر تیمی بەرگریی شارستانیی دەربەندیخان و تیمی فڕۆكەوانیی بەرگریی شارستانیی سلێمانی، چوون بە هانای شاخەوانەكەوە و دوای رزگاركردنی و هێنانەخوارەوەی لە چیاكە، رەوانەی نەخۆشخانەی “شار”ـی سلێمانی كراوە.
پەیامنێری تۆڕی میدیایی ئێستا گواستییەوە، شاخەوانەكە ئێستا لە نەخۆشخانەی شار لە سلێمانی چارەسەری پزیشكی وەردەگرێت.
