بەهۆى ئاگرکەوتنەوە لە کەمپێکی ئیدارەی زاخۆ، زیاتر لە 30 دوکان سووتان.
بەرەبەیانی ئەمڕۆ شەممە، ئاگر لە ژمارەیەک دوکانی کەمپی باجد کەنداڵ، لە دەڤەری سحێلا لە سنووری ئیدارەی سەربەخۆی زاخۆ کەوتەوە.
بەپێی زانیارییەکان، لە ئەنجامدا زیاتر لە 30 دوکان بە تەواوی سووتان، بەڵام هیچ زیانێکى گیانى نەبووە.
جێی ئاماژە بۆ کردنە، کەمپی باجد کەنداڵ زیاتر لە هەزار خێزانی ئاوارەی ئێزدیی شەنگالی تێدا نیشتەجێیە.
