فڕۆکەخانەی نێودەوڵەتیی سلێمانی رایدەگەیەنێت، هێڵی ئاسمانیی پێگاسوس، گەشتە ئاسمانییەکان لە نێوان ئیستانبوڵ و سلێمانی، دەستپێدەکات.
فڕۆکەخانەی نێودەوڵەتیی سلێمانی لە راگەیەندراوێکدا بڵاویکردەوە، بەپێی ئەو خشتەیەی لەلایەن (هێڵی ئاسمانیی پێگاسوس)ـەوە بۆ فڕۆکەخانەکە نێدراوە، وا بڕیارە لە 27ـی 12ـی 2025، گەشتە ئاسمانییەکان لە نێوان (ئیستانبوڵ-سلێمانی-ئیستانبوڵ) دەستپێبکەن.
ئاماژەی بەوەشکرد، وا بڕیارە هەفتانە سێ گەشتی ئاسمانی ئەنجامبدەن.
