راگەیاندنی بارەگای مەکتەبی سیاسیی یەکێتیی نیشتمانیی کوردستان دەکرێت، میران بەکر ئەو کەسەی بانگەشەی ئەوەی دەکرد لەلایەن پاسەوانەکانی بارەگاکەمانەوە هێرشیکراوەتە سەر لەژێر کاریگەریی ماددە کهولییەکاندا بووە و سوکایەتی بە ئۆتۆمبێلێک کردووە.
راگەیاندنی بارەگای مەکتەبی سیاسیی یەکێتیی نیشتمانیی کوردستان بڵاویکردەوە، شەوی رابردوو کاتژمێر 12:30 میران بەکر بە ئۆتۆمبێلێک لە جۆری فۆرد ئێکسپلۆرا رەنگ رەش، هاتووەتە کۆڵانی تەنیشت مەکتەبی سیاسی و لەژێر کاریگەری ماددە کهولییەکاندا بووە و سوکایەتی بە ئۆتۆمبێلێک کردووە، دوای ئەوەی لەلایەن پاسەوانانی بارەگاکەمانەوە ئاگادارکراوەتەوە ناوبراو هێرشیکردووەتە سەریان و پەلاماریداون.
ئاماژەی بەوەشکرد، ناوبراو کاتژمێر 1:00 بەڕێزەوە بەڕێکراوە و خۆشی داوای لێبوردنی کردووە و بۆ ئەمانەش بەڵگەی تەواومان هەیە و رادەستی لیژنەی لێکۆڵینەوەی دەکەین.
