دەستەی گشتیی ناوچە کوردستانییەکانی دەرەوەی ئیدارەی هەرێمی کوردستان، رایگەیاند، ئاڵای کوردستان نیشانەی هیوا و داهاتوویەکی باشترە.
دەستەی گشتیی ناوچە کوردستانییەکانی دەرەوەی ئیدارەی هەرێمی کوردستان، رایگەیاند، رۆژی 17ی کانوونی یەکەمی هەموو ساڵێک بە رۆژی ئاڵا ناسراوە، رۆژێکی گرنگ و پیرۆزە بۆ هەموو گەلی کورد، لەمڕۆژەدا ئاڵای پیرۆزی کوردستان وەک هێمای یەکگرتوو، ئازادی و خۆشەویستیی وڵات بەرزڕادەگرین .
دەشڵێت، ئاڵای کوردستان بە رەنگەکانی سوور، سپی و سەوز، لە ناوەڕاستیشدا تیشکی خۆری زێڕین، مێژوو و خەباتی گەلی کورد نیشان دەدات، هەروەها بیرمان دەهێنێتەوە بە قـ.ـوربانیدان و تێکۆشان بۆ سەربەخۆیی کوردستان، رۆژی ئاڵا هەلێکی گونجاوە بۆ لایەنەکان بە نوێکردنەوەی پەیمان بۆ خزمەتی نیشتمان .
ئاماژە بەوەشدەکات، لەمڕۆژەدا پێویستە هەمووان بەیەکەوە بین بۆ پاراستنی یەکپارچەیی خاک و نیشتمان بەتایبەت لە ناوچە کوردستانییەکانی دەرەوەی ئیدارەی هەرێم، ئاڵای کوردستان نیشانەی هیوا و داهاتوویەکی باشترە، شەکاوە بێت ئاڵاکەمان، هەر بەرز دەبێت ناوی کوردستان .
