هێزە ئەمنییەكانی عێراق بەهاوكاریی ئاسایشی سلێمانی هەوڵێكی داعشیان بۆ ئەنجامدانی هێرشی خۆكوژی لە مانگی ڕەمەزاندا پوچەڵكردەوە، وەك ئەوەی وتەبێژی فەرماندەی گشتیی هێزە چەكدارەكانی عێراق ئاشكرایكردووە.
لیوا یەحیا ڕەسوڵ، وتەبێژی فەرماندەی گشتیی هێزە چەكدارەكانی عێراق لە تویتێكدا ڕایگەیاند، لە بۆسەیەكی هەواڵگریدا هێزەكانی دەزگای دژەتیرۆری عێراق بە هەماهەنگی لەگەڵ بەڕێوەبەرایەتیی گشتیی ئاسایشی سلێمانی هەوڵی باندەكانی داعشیان بۆ ئامادەكاری هێرشێكی خۆكوژی پوچەڵكردووەتەوە.
لیوا یەحیا ڕەسوڵ ئاشكراشیكردووە، باندەكە نیازیانبووە هێرشەكە لە “مانگی ڕەمەزان”دا ئەنجامبدەن، بەبێ ئەوەی شوێنی ئەنجامدانەكەی بەپێی پلانەكە ڕوونبكاتەوە.
حيثُ تم القاء القبض على انتحاريين اثنين من ( جنسية غير عراقية ) بالأضافة للناقل عراقي الجنسية داخل مُحافظة كركوك.
جاءت عملية القاء القبض عليهم من خلال تنفيذ عمليات رصد ومتابعة من الحدود والى موقع التسليم في كركوك . pic.twitter.com/zelx0PAyM1— يحيى رسول | Yehia Rasool (@IraqiSpoxMOD) March 15, 2022
لە هەڵمەتێكی دیكەدا كە پێدەچێت پەیوەندی بە بۆسەكەی سلێمانییەوە هەبێت، دوو خۆكوژی غەیرە عێراقی و كەسێكی عێراقی كە ئەركی گواستنەوەیانی ئەنجامداوە، لە كەركوك دەستگیركران، لیوا یەحیا ڕەسوڵ ئاشكرایكردووە.
دەشڵێت، دەستگیركردنەكەیان پاش چاودێری و بەدواداچوونیان بووە لە سنوورەوە تا شوێنی ڕادەستكردنیان لە كەركوك.
