جێگری سەرۆکوەزیرانی هەرێمی کوردستان، رایگەیاند، چوار بەرپرسی چەمچەماڵ داوای بەخشینیان لە پۆستەکەیان کردووە.
قوباد تاڵەبانی، جێگری سەرۆکوەزیرانی هەرێمی کوردستان، رایگەیاند، چوار بەرپرسی چەمچەماڵ بەهۆی لافاوەکە و زیانمەندبوونی هاوڵاتییان هەستیان بەرپرسیارێتیی کردووە و دوای بەخشینیان لە پۆستەکەیان کردووە.
قوباد تاڵەبانی، ئاماژەی بە بەرپرسەکان کرد کە بریتین لە: قائیمقامی چەمچەماڵ، سەرۆكی شارەوانیی چەمچەماڵ، بەڕێوەبەری پەروەردەی چەمچەماڵ و بەڕێوەبەری شارەوانیی شۆڕش.
وتیشی، داوای بەخشینی ئەو کەسانە لە پۆستەکانیانم پەسەندکردووە و دواتر کەسی دیکە لەشوێنیان دادەنرێت.
