پێنج مەلەوانگە بەهۆی پابەندنەبوون بە ڕێنماییەكانی تەندروستی و ڕانەگرتنی پاك و خاوێنییەوە لە كەركوك داخران.
وەزارەتی تەندروستیی عێراق ئەمڕۆ چوارشەممە ڕاگەیەندراوێكی بڵاوكردەوە و ئاشكرایكرد، بەهۆی سەرپێچیكردنی ڕێنماییەكان و پابەندنەبوون بە مەرجەكانی تەندروستییەوە، تیمەكانی چاودێریی تەندروستی پێنج مەلەوانگەیان لە كەركوك داخستووە و سزای داراییان بەسەر خاوەنەكانی دوو مەلەوانگەی تردا سەپاندووە.
لەبارەی هەمان پرسەوە بەڕێوەبەرایەتیی تەندروستیی كەركوك دەڵێت، “ئاوی مەلەوانگەكان پاكژنەكرابوون و ڕێژەی “پی ئێچ”ـیان بەرزبووە كە ئاماژەیە بۆ بوونی پاشماوەی پیس لە ئاوەكاندا.
بەشێك لە بەكارهێنەرانی تۆڕە كۆمەڵایەتییەكان، گرتەی ڤیدیۆیی یەكێك لەو مەلەوانگانەیان بڵاوكردووەتەوە كە دەكەوێتە گەڕەكی غەڕناتەی كەركوك و ئاوەكەی پاشەڕۆی مرۆڤی تیادایە.
